Академик Ә.Қуатбеков атындағы Халықтар Достығы университетіне Қазақстан мұсылмандары діни басқармасы мамандары “Ізгі қоғам – адамзаттың ғасырлық арманы ” тақырыбында діни түсіндірме жұмыстарын жүргізді.
Іс-шара барысында дін саласы қызметкерлері жастарға құмар ойын, ішімдік, ислам және салт-дәстүр құндылығы жөнінде ақыл-кеңестерін айтты. Сонымен қатар деструктивті діни ағымдардың зиянына шолу жасалынды. Дәстүрлі емес діни ағымдардың дінімізге ешқандай қатысы жоқтығын мысалдарға сүйене отырып, түсіндірілді. Мұнымен қатар, жастар арасындағы сенім, дінге қызығушылықта ақпарат көздерін дұрыс таңдауға көңіл бөлу керектігі де баса айтылды. Жиын соңына қарай студенттер мамандарға дін саласы жөнінде өзекті сұрақтар қойып, дер кезінде жауап алды.