Академик Ә.Қуатбеков атындағы Халықтар достығы университетінде көктемнің шуақты мерекесі – Әз-Наурыз кең көлемде, жоғары деңгейде ұйымдастырылып, ерекше сән-салтанатымен атап өтілді. Ұлттық құндылықтарды дәріптеуге бағытталған мерекелік шара студенттер мен оқытушылардың, сондай-ақ арнайы қонақтардың қатысуымен өтті.
Іс-шараға арнайы құрметті қонақтар қатысып және жұмыс беруші ҚР ІІМ Б.Момышұлы атындағы Оқу орталығының бастығы полиция полковнигі Алиев Асылбек Қадырұлы, университетіміздің түлектер қауымдастығының төрағасы Толықбай Алмас Өмірбекұлы, Қазақстан Халық Банкі АҚ директорының орынбасары Томин Евгении Михайлович, Ботабеков Қуаныш Тасболатұлы Хан тв телеарнасының директоры қатысып Ұлыстың ұлы күнімен құттықтады. Олар өз сөздерінде Наурыз мерекесінің татулық пен бірліктің, жаңару мен жақсылықтың символы екенін атап өтіп, баршаға ізгі
Мереке аясында қазақ халқының ғасырлар бойы қалыптасқан салт-дәстүрлері сахналанып, көрермендерге тағылымы мол көріністер ұсынылды. Атап айтқанда, «қыз ұзату» дәстүрі арқылы қыз баланы құрметтеп шығарып салу рәсімі көрсетілсе, «беташар» көрінісінде келіннің жаңа отбасымен танысуы әсем әнмен өрнектелді. Сонымен қатар, «тұсау кесу» дәстүрі сахналанып, жас ұрпаққа ақ жол тілеу, олардың болашағына ізгі ниет білдіру мәні кеңінен түсіндірілді. Бұл көріністер көрермендерге ұлттық тәрбиенің маңызын ұғындырып, ерекше әсер қалдырды. Сонымен қатар, университет студенттері мен бітіруші түлектері сахнада жарқын өнер көрсетті. Жастардың белсенділігі мен шығармашылығы кештің мазмұнын байытып, мерекеге ерекше серпін берді.
Осылайша, университет қабырғасында өткен Әз-Наурыз мерекесі ұлттық рухты жаңғыртып, жастарға салт-дәстүрдің маңызын насихаттай отырып, көпшілікке ұмытылмас әсер сыйлады.
Russian