Академик Ә.Қуатбеков атындағы Халықтар достығы университетінің белсенді жастары қалалық күзгі куиз ойындарына қатысып, белсенділік танытты. “TezTap Shymkent” атты ақыл мен білім жарысында Шымкенттің ең үздік командалары жиналып, өзара бақ сынасты.
Атап айтқанда, ХДУ-дың дизайн, IT, шет тілі білім беру бағдарламаларының студенттері тапқырлығы және зияткерлігімен көзге түсе білді. Ұйымдастырушылар жиналған қауымға интеллектуалды, логикалық, тарихи сұрақтар қою арқылы білім деңгейлерін анықтады. Іс-шараның мақсаты – білім алушылардың ізденіспен қатар зияткерлік қасиетін дамытуға атсалысу.