2023 жылдың қыркүйегінде E-Tech Hub Бас ғылыми қызметкері, PhD, қауымдастырылған профессор Б.Е. Жакипбаев Тюменьге (Ресей) іскерлік сапары аясында TNF-2023 өнеркәсіптік-энергетикалық форумына шақырылды.
Тюмень индустриалды–энергетикалық форумы TNF биыл жиырма жылдық мерейтойын атап өтуде. Аймақтық Үкіметтің қолдауымен ол көмірсутек шикізатын өндіру, тасымалдау және өңдеу, мұнай қызметі, жабдықтар өндірісі және отын–энергетикалық кешенге арналған инновациялық технологияларды (IT) әзірлеу сияқты салаларда жұмыс істейтін компаниялар мен ғылыми орталықтарды біріктіреді.
Форум аясында E-Tech Hub Бас ғылыми қызметкері Б.Е. Жакипбаев TNF EXPO көрмесіне қатысты. Көрмеде 68 компания мен кәсіпорын өз өнімдерін және инновациялық әзірлемелерін ұсынды. Стендтерде жоғары технологиялық жабдықтар, минералды коллекциялар, әртүрлі материалдар мен цифрлық құрылғылар ұсынылды.
Ашық дәріс аясында E-Tech Hub Бас ғылыми қызметкері Б.Е. Жакипбаев цифрландыруды дамыту және жасанды интеллект технологияларын енгізу мәселелерін талқылауға қатысты.
