2024 жылы 17 қаңтарда Ақсукент қаласында (Түркістан облысы) Қазақстан Ұлттық Жаратылыстану ғылымдары академиясының академигі, х.ғ.к., профессор, Ақсукент көпсалалы колледжінің директоры Қ.П. Қуатбекованың 80-жылдығына арналған «Цифрлық білім – уақыт талабы» атты Халықаралық ғылыми-практикалық конференция өтті.
Іс-шараға жақын және алыс шетелдердің атақты ғалымдары мен қоғам қайраткерлері жиналды, олар пленарлық отырыста құттықтау сөздерімен және ғылыми баяндамаларымен сөз сөйледі.
Академик Ә.Қуатбеков атындағы Халықтар достығы университетінің ректоры, м.ғ.д., профессор Қуатбекова Р.А. конференцияның пленарлық отырысын ашып, мерейтой иесінің Қ.П. Қуатбекованың ғылыми-зерттеу қызметі туралы айтып, ауқымды құттықтау сөз сөйледі.
Академик Ә.Қуатбеков атындағы Халықтар достығы университетінің цифрландыру жөніндегі проректоры М.К. Есенов «Сындарлы диалог: жасанды интеллект дәуіріндегі ғылым мен білім – өтпелі кезең» атты баяндамасымен сөз сөйлеп, қазіргі білім берудегі цифрландыру мен ақпараттандырудың маңыздылығын көрсетті.
Жалпы, «Цифрлық білім – уақыт талабы» атты Халықаралық ғылыми-практикалық конференциясының пленарлық және секциялық отырыстары барысында ғылыми қоғамдастық пен IT-қоғамдастықтың жас зерттеушілері арасындағы өзара іс-қимыл мен өзара тиімді ынтымақтастықты нығайтуға назар аударылды.
