6В04210-Құқықтану білім беру бағдарламасының білім алушылары «Апыр-топыр» сазды-думанды қойылымын тамашалады
21.11.2024 жылы 6В04210-Құқықтану білім беру бағдарламасының білім алушылары Шымкент қалалық әзіл-сықақ және сатира театрында «Апыр-топыр» атты сазды-думанды қойылымын тамашалады. Өмірдің келеңсіз жағдайларын әжуалайтын, қазіргі қоғамда кездесетін өзекті мәселелерді, әр түрлі тақырыптарды қамтыған, ащы астар мен қалжың араласа өрбіген сазды-думанды қойылым болды. Қазіргі қоғамда болып жатқан өзекті мәселелерді жастарға әзіл арқылы жеткізе білді.
6В04210-Құқықтану білім беру бағдарламасының білім алушылары «Заң сіз бен бізге ортақ» тақырыбында құқықтық сағатқа қатысты
21.11.2024 жылы Шымкент қаласының Жастар ресурстық орталығында құқық қорғау орган өкілдері білім алушы жастармен «Заң сіз бен бізге ортақ» тақырыбында кездесу өткізді. Іс-шараға Шымкент қаласы Полиция департаментінің есірткі қылмысына қарсы іс-қимыл бағдарламасының аға жедел уәкілі Бауыржан Қарбеков пен Шымкент қаласы прокуратурасының басқарма бастығы Жандос Досанов қатысты. Жиынның негізгі мақсаты-жастар арасындағы құқықтық мәдениетті қалыптастыру, құқықбұзушылықтың алдын алу және салауатты өмір салтын насихаттау.
Мамандар білім алушы жастарды зиянды әдеттерден аулақ болуға шақырып, есірткі қылмысының ауыр салдары туралы баяндап, арнайы деректі фильм көрсетті. Кездесу барысында қатысушылар көкейдегі сұрақтарына толық жауап алды.
«Тарих және құқық» кафедрасының оқытушылары жұмыс берушілерімен кездесті
18.11.2024 жылы Шымкент қаласы әкімдігінің еңбек мобильді орталығы КММ Мансаптық орталығының ұйымдастыруымен солтүстік Қазақстан обылысынан арнайы келген делегаттармен кездесу ұйымдастырды. Кездесуге «Тарих және құқық» кафедрасының оқытушылары университеттің қызметкерлері мен бітіруші түлектері қатысты. Делегаттар ерікті қоныс аудару бағдарламасының артықшылықтары мен мүмкіндіктерді таныстырды.
Кездесу барысында делегат солтүстік Қазақстан тарапынан ұсынылатын жеңілдіктер мен қолдаулар туралы егжей-тегжейлі айтып берді.
Еңбек мобильділігі орталығы әр түрлі саладағы бос жұмыс орындары туралы ақпарат ұсынылып жұмысқа орналасуға көмектесетіндігін және кәсіпкерлерді қолдайтынын атап өтті. Бағдарламаға қатысу үшін түлектеріміз аудандық мансап орталықтарының байланыс телефондарын алды.
«Тарих және құқық» кафедрасының білім алушылары студенттер қатарына қабылдау күнін атап өтті
06.11.2024 жылы «Тарих және құқық» кафедрасы 6В04210-Құқықтану білім беру бағдарламасының білім алушылары, Шымкенттің белді мейрамханаларының бірінде өткен қабылдау кеші жаңа оқу жылының басталуын атап өтті. 200-ден аса белсенді студенттер мен ЖОО оқытушылары университеттің тәрбие және әлеуметтік істер бөлімінің ұйымдастырған іс-шараға қатысты. Атаулы күнде Астана Қарғабай мен өзге де талантты жастардың өнері кешті түрлендіріп, студенттерді көңілді күйге бой алдырды.
«ТАЗА ҚАЛА» акциясы аясында университет ауласы күл-қоқыстан тазартылды
02.11.2024 жылы «Тарих және құқық» кафедрасы 6В04210-Құқықтану білім беру бағдарламасының профессор-оқытушылары «Таза қала» акциясына қатысты. Шымкенттің экологиялық іс-шарасы аясында Университет ауласы күл-қоқыстан тазартылды. Жалпы қалалық сенбіліктің мақсаты: Үшінші мегополис тұрғындары бойында тазалық мәдениетін қалыптастыру.
“Тарих және құқық” кафедрасының профессор-оқытушылар құрамы мен білім алушылары театр күнін атап өтті
31.10.2024 жылы «Тарих және құқық» кафедрасының профессор-оқытушылар құрамы мен білім алушылары жылдық жоспарға сәйкес театр күнін атап өтті. Осыған орай Шымкент қалалық әзіл-сықақ және сатира театрының кезекті қойылымын тамашалап, керемет көңіл-күйге бөленді. Мерейлі мереке қарсаңында ұйымдастырылған шарада Шымкент қалалық театр белді актерлары өздерінің талантымен көпшілікті тәнті етіп, көрермендер қошеметіне ие болды.
“Тарих және құқық” кафедрасы 25 қазан – Республика күнін атап өтті
23.10.2024 жылы Академик Ә.Қуатбеков атындағы Халықтар достығы университетінде ұлттық мереке “25 қазан – Республика күні” аталып өтті. Айтулы мерекенің жоғары деңгейде өтуіне университеттің «Тарих және құқық» кафедрасы және тәрбие ісі бөлімінің жетекшілері мен білім алушылары атсалысты. Іс-шараны салтанатты түрде Академик Ә.Қуатбеков атындағы Халықтар достығы университетінің президенті, т.ғ.к., профессор Қуатбеков Нұрлан Әбдімұсаұлы ашты. Нұрлан Қуатбеков өз сөзінде:” Қазақстан тәуелсіз елдер қатарына қосылып, өз алдына мемлекет болуының арқасында бүгінгі таңда бір шаңырақ астында бейбіт өмір сүріп келеміз. Осы мезетте елімізде көршілес өзге мемлекеттердегідей қантөгіс төңкерілістер мен апаттардан ата-баба рухы қорғап келетініне сөзсіз сенеміз. Әрдайым аспанымыз ашық болып, Қазақстанды биікке жетелейтін білімді әрі дарынды жастар көбейе берсін!”,- дей отыра, қадірменді қонақтар мен университеттің профессор-оқытушылар құрамы мен білім алушыларын 25 қазан Республика күнімен құттықтады. Ұлттық мерекеге арналған маңызды іс-шарада ҚР Мемлекеттік Қызмет істері агенттігінің Шымкент қаласы бойынша Департаментінің бас маманы Ж.Әлжанова студенттерге мемлекеттік қызмет саласындағы жаңашылдықтар туралы ақпараттар беріп, оларды қызметке шақырды. Сонымен қатар жиын барысында білім ордасының бірқатар қызметкерлеріне университет ректоры атынан арнайы алғыс хаттар табысталып, шара соңы концерттік бағдарламаға жалғасты.
ХДУ аға оқытушылары сыбайлас жемқорлыққа қарсы семинарға қатысты
14.10.2024 жылы ҚР Сыбайлас жемқорлыққа қарсы іс-қимыл Агенттігінің Шымкент қаласы бойынша департаменті ұйымдастырған оқыту семинары өтті. Аталған семинарға «Тарих және құқық» кафедрасының атынан аға оқытушысы Асилова Ардақ Бекмуратқызы қатысты. Комплаенс қызметтері сыбайлас жемқорлыққа қарсы жүйенің маңызды бөлігін құрайды, олардың міндеті-заң үстемдігін, өзара сенім мен ашықтықты қамтамасыз ету. Шымкент қаласы әкім аппараты басшысының орынбасары Бағлан Асанбаев комплаенс офицерлерінің белсенді жұмысы жемқорлық фактілерін азайтуға мүмкіндік беретінін мәлімдеді. Семинар барысында квазисектор саласындағы қоғаммен байланыс орнатудың тиімді коммуникация дағдылары мен жобалық менеджмент жүйесін енгізудің маңызы туралы тақырыптар талқыланды. ҚР Президенті жанындағы Мемлекеттік басқару академиясының Шымкент филиалының доценті Сәуле Рысбаева коммуникация дағдыларын әдіс-тәсілдерін түсіндіріп, қазіргі таңда ашықтық пен айқындық қағидаларының өзектілігін атап өтті.
4-5 желтоқсан күндері 2023 ж. Академик Ә.Қуатбеков атындағы Халықтар достығы университеті, «Тарих және құқық» кафедрасының т.ғ.к., доценті Нартбаев Шымырбай Жақсыбайұлы профессорлық-оқытушылық құрамның академиялық ұтқырлығы аясында Өзбекстан Республикасының Навои атындағы Мемлекеттік тау-кен-технологиялық университеті және Нөкіс тау-кен институттарында «Өзбекстанның қазіргі тарихы» пәні бойынша (12 сағат) дәріс оқып, оқу орнының профессор оқытушылар құрамымен пікір алмасып қайтты.
10.04.2023 жылы Шымкент қаласы жоғары оқу орындарының арасында Орталық Азия инновациялық университетінің “Құқық” кафедрасының ұйымдастыруымен “Жаңа Қазақстан студенттердің көзімен” атты тақырыпта жастардың әлеуметтік белсенділігін және мамандыққа қызығушылығын арттыру мақсатында “ҚР Конституциялық құқығы” пәндік олимпиадаға белсенді қатысқаны үшін Академик Ә.Қуатбеков атындағы Халықтар достығы университеті “Құқықтану” кафедрасының “ Justice Five” командасына сертификат және пәндік олимпиадаға жетекшілік жасаған аға оқытушы А.Г. Орынбайға алғыс хат берілді.
Құқықтану кафедрасы “Отбасы институтының нығайтудағы медиацияның рөлі” тақырыбында семинар-тренинг өткізді
10.04.2023 жылы Шымкент қаласы жоғары оқу орындарының арасында Орталық Азия инновациялық университетінің “Құқық” кафедрасының ұйымдастыруымен “Жаңа Қазақстан студенттердің көзімен” атты тақырыпта жастардың әлеуметтік белсенділігін және мамандыққа қызығушылығын арттыру мақсатында “ҚР Конституциялық құқығы” пәндік олимпиадаға белсенді қатысқаны үшін Академик Ә.Қуатбеков атындағы Халықтар достығы университеті “Құқықтану” кафедрасының “ Justice Five” командасына сертификат және пәндік олимпиадаға жетекшілік жасаған аға оқытушы А.Г. Орынбайға алғыс хат берілді.
22.02.2023 ж сағат 15.00 де “Құқықтану” кафедрасының ұйымдастыруымен 1-2 курс магистранттармен бірге “Сыбайлас жемқорлыққа қарсы мәдениеттің алғышарты ретінде сананы қалыптастыру: қоғамдық сана, әдептілік (адамгершілік), саяси, құқықтық, эстетикалық, діни сана” тақырыбында семинар сабақ өтті.
Сыбайлас жемқорлыққа қарсы мәдениетті қалыптастырудағы маңызды орын алатын негізгі мәселелерге студенттер өздерінің ойларымен бөлісіп, пікір алмасты.
06.12.2022 жылы сағат: 14.30 да «Құқықтану» кафедрасының Аға оқытушы Орынбай Гулжан Арысбайқызы ҚРҚК 297бап «Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау тасмалдау, жөнелту не өткізу» 3 бөлімі (адамдар тобының алдын ала сөз байласуымен, бірнеше рет, аса ірі мөлшердегі есірткі зат тасмалдау) тақырыбында ашық сабақ өтті.
«Жемқорлық індет – жою міндет» тақырыбында кездесу сағаты
«Адам саудасы: адам құқықтарын өрескел бұзу» тақырыбында семинар өтті
Б.Момышұлы атындағы ҚР ІІМ-ң оқу орталығымен серіктестік туралы меморандумына қол қойылды
М. Мақатаев өмірі мен шығармашылығына арналған «Ғасырлар перзенті» атты дөңгелек үстел өтті
[/su_spoiler]
Кемелбеков Қынатбек Бердалыұлы 1967 жылы 20 мамырда Оңтүстік Қазақстан облысы, Бәйдібек ауданы, Шаян селосында туылған.
1974-1984 жылдар аралығында Шаян селосындағы М.Әуезов атындағы орта мектепті оқып тамандаған.
1985-1992 жылдары М.Әуезов атындағы Шымкент педагогика институтының тарих факультетін «тарих және педагогика» мамандығы бойынша бітіріп шықты.
1986-1988 ж.ж. Кеңестік әскер қатарында борышын өтеді.
1992-1993 ж.ж. Шымкент қаласындағы №25 Т.Рысқұлов атындағы орта мектепте тарих пәнінің мұғалімі болып жұмыс атқарды.
1993 жылы ақпан айынан бастап Оңтүстік Қазақстан Мемлекеттік Медициналық Академиясы философия және саясаттану кафедрасына ассистент ретінде жұмысқа қабылданды.
1996 жылы осы аталмыш кафедраның аға оқытушылық қызметіне өтті.
1996 -2000 жылы Алматы қаласындағы Қайнар университетінің «Заң» факультетін оқып, үздік дипломмен бітіріп шықты.
2002 жылы 30-желтоқсанда Әл-Фараби атындағы Қазақ мемлекеттік Ұлттық Университетіндегі К-14А.02.19. диссертациялық кеңестің мәжілісінде философия ғылымдарының кандидаты ғылыми дәрежесін алу үшін жазылған диссертациясын қорғады.
2003 жылы 20 маусымдағы ҚР Білім және Ғылым министрлігі Жоғарғы аттестациялық комитетінің шешімімен философия ғылымдарының кандидаты ғылыми дәрежесі берілді.
2005-2006 жылдары М.Әуезов атындағы Оңтүстік Қазақстан Мемлекеттік Университетінің «Философия» кафедрасында доцент қызметін атқарды.
2000 жылдан бастап Оңтүстік Қазақстан Әкімшілігі жанында құрылған лекторлар тобының мүшесі.
Бірнеше рет (1999, 2003, 2004, 2006ж.ж.) Президенттік, Парламенттік, Мәслихат сайлау кезеңдерінде №110 сайлау учаскесінде төрағалық қызмет атқарды.
2007 жылдың қыркүйек айынан бастап Халықаралық гуманитарлы-техникалық университеті педагогикалық факультетінің деканы.
2008 жылы қыркүйек айынан 2009 жылдың наурыз айына дейін осы аталмыш оқу орнының тәрбие ісі жөніндегі проректоры.
2009 жылының наурыз айынан Шымкент әлеуметтік педагогикалық университетінің тәрбие ісі жөніндегі проректоры.
2009 жылдың қыркүйек айынан бастап Оңтүстік Қазақстан Мемлекеттік Фармацевтикалық Академиясында «Қазақстан тарихы және қоғамдық пәндер» кафедрасының меңгерушісі болып қызмет атқарды.
2011 жылы 31-ші наурыздағы Қазақстан Республикасы Білім және ғылым министрлігінің Білім және ғылым саласындағы бақылау комитетінің шешімімен доцент ғылыми атағы берілді.
2012 жылы 16 қарашада Ұлы Отан және Ауған соғысы ардагерлер ұйымдарының «Қазақстан ардагерлері» қауымдастығы кеңесінің шешімімен Бауыржан Момышұлының «Батыр шапағаты» медалімен марапатталды.
2015 жылдың 30-шы маусымынан бастап әлеуметтік – гуманитарлық пәндер кафедрасының меңгерушісі.
2016 жылы 16-шы желтоқсанда Қазақстан Республикасы Тәуелсіздігінің 25 жылдығы құрметіне арналған мерекелік медальмен марапатталды.
2018 жылы 1 маусымнан «Әлеуметтік – гуманитарлық пәндер» кафедрасының профессор міндетін атқарушы болып жұмыс жасады.
2022 жылы 21 сәуірден Шымкент Университетінің «Қазақстан тарихы және жалпы білім беру пәндері» кафедрасының доцент қызметін атқарды.
2022жылы 1 қыркүйек айынан бастап Академик Ә.Қуатбеков атындағы Халықтар достығы университетінің «Қазақстан тарихы және әлеуметтік гуманитарлық пәндер» кафедрасының меңгерушісі қызметін атқаруда.
Философия пәні бойынша 1 оқу құралы, 1 дінтану пәнінен оқу құралы, 1 философия, 1 саясаттану пәнінен оқу құралы, 1- монография, 90-нан астам ғылыми мақалалардың авторы.
Жанұялы, екі ұл және екі қыз тәрбиелеп өсіруде.
“Тарих және құқық” кафедрасы өңірдің және елдің қажеттіліктеріне сәйкес білім, ғылым және өндірісті интеграциялау арқылы жоғары білікті мамандарды сапалы даярлауды қамтамасыз ету болып табылады. Осы миссияны іске асыру шеңберінде кафедраның профессорлық-оқытушылық құрамы 6В01610-“Тарих” және 6В05220-“География”, 6В04210-“Құқықтану” мамандықтары бойынша студенттерді сапалы оқыту үшін барлық күш-жігер мен білімді жұмсайды. Т.ғ.к., кафедра доценті Ш. Ж. Нартбаев “Ы.Алтынсарин”, “ҚР Тәуелсіздігінің 20 жылдығы”, т.ғ.к. Жакаш Д.Б. “ҚР Білім беру ісінің үздігі” белгісімен марапатталған. Студенттер Н.И.Маханов, А.Өмірбек, Ж. Бегман, С.Тұрғанбек, Б.Тағайбек түрлі студенттік ғылыми конференцияларға, байқаулар мен конкурстарға қатысып, сертификаттар мен дипломдар алды.
Профессор-оқытушылар құрамының марапаттары мен сертификаттары
«Рухани жаңғыру: қазіргі тарих ғылымы және Қазақ хандығы тарихи сабақтастығы» 19.01.2018 жылы университетіміздің 309-шы аудиториясында оқу әдістемелік кабинетінің ұйымдастыруымен «Рухани жаңғыру: қазіргі тарих ғылымы және Қазақ хандығы тарихи сабақтастығы» тақырыбында «Қазақстан тарихы және әлеуметтік-гуманитарлық пәндер» кафедрасының доценті т.ғ.к., Ш.Ж.Нартбаевтің университет қызметкерлеріне ашық лекция оқыды. Жиынды қазақ тарихында біз ұялатын ештеңе жоқ. Ұлы Дала төсінде бабаларымыз құрған мемлекетті Мәңгілік Ел жасау. Әрқашан еліміз аман, бауырымыз бүтін болсын. Сіздер мен біздер құрған Тәуелсіз Қазақстанымыз Мәңгілік Елге айналсын деп қорытындылады. Елбасы Н. Ә. Назарбаевтың «Болашаққа бағдар: рухани жаңғыру» бағдарламалық мақаласының ел дамуының жарқын үлгісі мен нақты қадамдарын көрсететін келелі ой, салиқалы пікір, батыл шешімдерге құрылған маңызды құжаты екендігін насихаттау бағытында семинар ұйымдастырылды. «Болашаққа қадам» тақырыбында көрсетілген бейнероликті талқылап, еліміздегі рухани жаңғыру жолында атқарылған істер мен қол жеткен жетістіктер туралы жастар өз ойларымен бөлісті. Заман талабына сай механизмдерді жолға қойып, болашаққа қадам басу туралы пікір алмасты. Семинарға университеттің құрылымдық бөлімдерінің басшылары, профессор-оқытушылар құрамы, қызметкерлер мен білім алушылар қатысты.Желтоқсан оқиғасы- жаңа тарихи сананы қалыптастырудағы маңызы
Д.Ахметұлы Қонаевтың 110 жылдығына арналған ұлы тұлғалардың кеші атты тарихи семинар
